Conférence Episcopale du Rwanda - +250788784308 - @journal_KM - - @Kinyamateka

Ibyasohotse muri Kinyamateka,1898 Gicurasi 2019



Ubuyobozi bwa Kinyamateka buramenyesha abasomyi bayo ko numero nshya 1898 yasohotse. Ikaba igura amafaranga 500. Ku mwaka akaba ari ibihumbi 5000. Murayisanga aho musanzwe muyifatira : Librairie Urumuri ya Paruwasi Sainte Famille, Librairie iteganye na Paruwasi Regina Pacis i Remera, kimwe n’aho ikorera kuri Pallotti Presse i Gikondo. Muranayisanga mu ncamake ku rubuga rwayo www.kinyamateka.net

Kinyamateka irashimira abafatabuguzi bayo ibashishikariza gukomeza gukunda gusoma no gukomeza gufata ifatabuguzi. Abarifashe birinde ibirarane, abatararifata barifate. Kinyamateka iranabashimirira by’umwihariko Soras Ltd yiyemeje gukorana nayo muri uyu mwaka. Muyimenye, muyigane.

Ibiri muri numero nshya yasohotse : Mu ijambo ry’ibanze : Kinyamateka irasobanurira abasomyi bayo ibyerekeranye n’ukuntu igiti kigororwa kikiri gito. Hakwiye kubaho uburere buhamye mu miryango. Uburere bw’umwana buba bugomba guhora buzirikanwaho na bose n’ahantu hose. Ese ibyo bishatse kuvuga iki ?Ese urashaka kumenya ibyo ari byo ? Naga akajisho kuri paji ya gatatu ya Kinyamateka numero 1898 usobanukirwe. Rwose va mu bujiji, ubutazongera kubeshywa byinshi kandi utazazira sinamenye.

Mu Iyogezabutumwa rya Kiliziya n’Iyobokamana : Kinyamateka, muri uyu mwaka wa gitumwa, yiyemeje kubaherekeza mu rugendo rwo kunyungutira imbuto z’urugendo nyobokamana rw’imyaka itatu Kiliziya mu Rwanda yiyemeje gukora mu myaka itatu ishize : hari uwahariwe Impuhwe z’Imana, uwahariwe Ubusaserdoti n’uwahariwe Ubwiyunge. Muri nimero yatangiye uru rugendo rwo kuzirikana k’ubuhamya cyangwa ku mbuto z’iyi myaka twabagejejeho ibiranga ubuhamya cyangwa imbuto zabwo. Twabagejejeho kandi ingero zimwe na zimwe zigera kuri 12 ziranga abantu baratwa n’ibitabo bitagatifu ; mu kurangwa n’imbuto z’ubucuti, imbuto zisoromwa ku bwiyunge kandi zikabibwa mu kuri n’impuhwe n’abantu b’Imana. Twabagejejeho kandi ubuhamya bw’uwabashije kubabarira kubera Inkuru nziza  n’uwabashije gusaba imbabazi abikuye ku mutima. Muri numero ziheruka, twasubukuye ingero z’ababashije gusaba imbabazi n’ababashije gutanga imbabazi bamurikiwe n’Ibyanditswe Bitagatifu n’Inyigisho za Kiliziya. Muri numero iheruka, nyuma yo kwibuka Jenoside yakorewe abatutsi mu mwaka w’1994 ku nshuro ya 25, twabateguriye ubuhamya bugamije isana-mitima bw’abafitanye amasano ya hafi bari barahemukiranye none bakaba bariyunze. Muri iyi numero 1898, twabateguriye ubuhamya bw’abatinyutse bakababarira kubera inyigisho batangaga. Ni abasaserdoti bafite ubutumwa bwo kwigisha. Soma Kinyamateka numero 1898 paji ya 4 n’iya 5 nawe bigutere imbaraga zo kunyungutira imbuto z’ubwiyunge. Ubuhamya twabatangarije ni ubwa Padiri Emmanuel Twagirayezu n’ubwa Musenyeri Servilien Nzakamwita. Kinyamateka yabivuye imuzingo. « Nta kuri, nta bwiyunge », « Nta bwiyunge, nta burere », « Nta burere, nta majyambere » !

Kinyamateka kandi ikomeje kubafasha kwitegura icyumweru mu isengesho ryo mu muryango remezo rya Lectio Divina. Wari uzi icyo Papa yifuza muri uku kwezi ? Nzasenga nte muri uku kwezi ? Ibyo urabimenya muri iyi numero. Kinyamateka ikomeje no guhugura abasomyi bayo ku nyigisho za Kiliziya. Ese wabimenya ute udasomye Kinyamateka 1898 ? Byahe byo kajya!!! Ntucikwe.

Hari n’andi makuru anyuranye y’igihugu, aya Kiliziya n’ayo mu madiyosezi : Kinyamateka yabakurikiraniriye iby’ukuntu kwibuka ku nshuro ya 25 Jenoside yakorewe abatutsi mu mwaka w’1994 byagenze mu muryango wa Benebikira i Save. I Kigali mu nzu y’Inama y’Abepiskopi gatolika mu Rwanda (CEPR), Abepiskopi gatolika baganiriye na Ministri w’ubutabera ku kibazo cy’abagororwa. Kinyamateka yabateguriye n’inkuru igaragaza ukuntu Urukiko rwa Kiliziya mu Rwanda (TECIR) rwagiranye umubano n’urwo mu Budage. Indi nkuru ni ivuga ukuntu urubyiruko rugomba guhabwa umwanya wihariye mu gushaka ibisubizo. Kinyamateka yananyarukiye i Burera ibona ukuntu ikibazo cy’ikaragiro ry’amata cyagaragaje imikorere ya bamwe mu bayobozi. I Kigali kandi Kinyamateka yakoreye abasomyi bayo inkuru y’icyegeranyo kigaragaza ukuntu mu nama ya Transform Africa, Robo yitwa Sofiya yatunguye benshi. Kinyamateka yarabibakurikiraniye. Bimeze bite ? Soma Kinyamateka numero 1898 usobanukirwe ibyo ari byo, ushire amatsiko.

Mu madiyosezi atandukanye, Kinyamateka yanyarukiye ku Nyundo ikurikirana ibyaranze umunsi mukuru wa Paruwasi yaragijwe Yezu Nyirimpuhwe i Gakeri. Kinyamateka yananyarukiye i Musanze muri Paruwasi ya Nyakinama mu munsi mukuru w’ishuli ryitwa “IPRC”. Yanyarukiye na none ku Nyundo mu ishuli ryitiriwe Umwamikazi w’Afrika. Byagenze bite ? Ni ubuhe butumwa bwahatangiwe ? Nusoma iyi Kinyamateka urashira amatsiko. Soma Kinyamateka 1898 irakujijura kandi irabikumenyesha. Iyi kinyamateka ikaba yarabakurikiranye ubuzima n’amateka bya Padri Safi Protais wabaye umurezi w’abarenga 90% by’abasaserdoti bo mu Rwanda. Soma, somesha Kinyamateka, utazaba injiji uzize ukusoma kwawe Kinyamateka!

Mu buzima : Kinyamateka ibafitiye inkuru mu rurimi rw’igifaransa igaragaza ukuntu abagore baba bonyine, mu Rwanda, barushywa n’umuzigo w’imibanire n’intekererezo bituma habaho no kugumbaha (“Les femmes –seules- portent le fardeau socio-psychologique de l’infertilité conjugale”). Soma Kinyamateka 1898, ku rupapulo rwa 12 ubimenye neza, usobanukirwe uve mu bujiji hato utazagwa mu ruzi urwita ikiziba uzize kudasoma kwawe Kinyamateka.

Mu burezi n’umuco : Ku rupapulo rwa kabiri, numero 1898, Kinyamateka iti : “ Twitegure dute kwizihiza icyumweru cy’uburezi gatolika muri uyu mwaka wa 2029?”. Bizajya bigenda bite? Icyo kibazo n’ibindi, Kinyamateka 1898 yarabisobanuye. Kinyamateka kandi ibafitiye inkuru igaragaza uburyo bugiye guhinduka mu byo gutegura abiga uburezi. Abiga uburezi bashonje bahishiwe! Ministiri w’intebe yashimye uruhare rw’abihaye Imana mu guteza imbere uburezi. Ese wamenya ibyo aribyo udasomye Kinyamateka numero 1898 ? Naga akajijsho ku rupapulo rwa Kinyamateka 1898 wisomere ujijuke uve mu bujiji. Rambura Kinyamateka usome umenye, usobanuke, usobanukirwe, utazajya ubeshywa byinshi uzize kudasoma kwawe Kinyamateka.

Mu butabera n’amahoro cyangwa muri Caritas : Kinyamateka irabagezaho inkuru ivuga uko akato cyangwa inkunga atari byo byonyine bizakemura ikibazo cy’inda zitateganyijwe. None bimeze bite? Ese wabimenya udasomye Kinyamateka? Byahe byo kajya! Kinyamateka kandi ibafitiye inkuru ya Caritas ya Diyosezi ya Ruhengeri. Caritas ya Diyosezi ya Ruhengeri ishishikajwe no kunoza inshingano zayo mu nzego zayo. Bizagenda bite? Kinyamateka numero 1898 urupapulo rwa 7 yabivuye imuzingo?

Mu bukungu n’iterambere : Kinyamateka iragaragariza abasomyi bayo ko mu mwaka w’2024, ikoranabuhanga rizaba rigeze ku bakuze 60 %. Ministri w’Intebe Dr Ngirente Edouard yabitangaje muri Transform Africa. Ese bimeze bite? Soma Kinyamateka 1898 urupapulo rwa 13 umenye uko bimeze maze ushire amatsiko. Kinyamateka kandi irabagezaho inkuru igaragaza uko RURA yatangaje ibiciro bishya by’amazi yemeza ko bibereye buri Munyarwanda. Ese ibyo biciro ni ibihe? Ese koko birababereye? Kinyamateka iragusubiza. Indi nkuru ya gatatu Kinyamateka yabateganyirije ni ihamya ko Ikoranabuhanga riramutse rihawe umwanya muri Afrika ubukungu bwazamuka. Bimeze bite ? Injira mu ruhando rw’iterambere usome, usomeshe Kinyamateka umenye ibyerekeranye n’ukwizamura mu bukungu. Soma Kinyamateka usobanukirwe.

Mu bindi (supplementum n’urubuga rw’abatwandikiye) : Muri iyi numero 1898, Kinyamateka yabagejejeho inshamake y’urwandiko rwa Papa Fransisko “ Christus vivit”, igice cya kabiri. Ese ni ibiki bikubiye muri urwo rwandiko rw’Umushumba wacu? Ubwo se wabimenya udafite Kinyamateka numero 1898 ngo ubyisomere? Byahe byo kajya! Soma, somesha Kinyamateka numero 1898 urupapulo rwa 10 ugendane na Kiliziya n’abashumba bayo.

Mu rubuga rw’abasomyi, Kinyamateka yabashyiriyeho inkuru ikurikira ibiri ku rupapulo rwa mbere byerekana ukuntu kwibuka ku nshuro ya 25 Jenoside yakorewe abatutsi byagenze mu muryango wa Benebikira i Save. Yanacumbukuye inkuru y’ishuli ryitiriwe Umwamikazi w’Afrika. Ese byari byifashe bite? Ntiwabimenya byose udafite Kinyamateka numero 1898 mu ntoki zawe ngo ubyisomere cyangwa ngo ubisomeshe. Fungura kuri Paji ya 11 usobanukirwe.

Mu tuntu n’utundi: Kinyamateka 1898 ku rupapuro rwa 15, irasobanurira abasomyi bayo ibyerekeranye n’itegeko rihana icyaha cy’ingengabitekerezo ya Jenoside n’ibindi bifitanye isano nayo (igice cya kabiri). Ese wari ubizi? Byahe byo kajya! Soma, somesha Kinyamateka numero 1898 urupapulo rwa 15, utazagwa mu ruzi urwita ikiziba. Kinyamateka ibafitiye n’indi nkuru ivuga ibyerekeranye n’ukuntu Caritas ya Butare, mu mwaka wa 2018 bakoresheje amafaranga arenga miliyoni Magana abiri mu gufasha abana kwiga. Byagenze bite? Soma, somesha Kinyamateka numero 1898 urupapulo rwa 15, ushire amatsiko.

Ku rupapulo rwa nyuma, Urubuga rw’imikino n’imyidagaduro : Kinyamateka 1898 irabagezaho inkuru ivuga ko i Vatikani kwa Papa noneho nabo bemeye ikipe y’umupira w’amaguru y’abagore. Ese iyo kipe imeze ite ? Soma, somesha Kinyamateka numero 1898 urupapulo rwa 16, ushire amatsiko. Kinyamateka kandi yabatangarije inkuru igaragaza ko abakinnyi batatu bakomoka muri Afrika ari bo bambere muri Shampiyona y’u Bwongereza. Irabagezaho kandi uko irushanwa “20 Km de Bugesera” ryatunguye benshi mu dushya dutandukanye.

Erega izi nyigisho n’aya makuru ntiwabimenya utifatiye ifatabuguzi rya Kinyamateka ku noti imwe gusa ya 500 cyangwa ya 5000. Ubundi ukajijuka, ukajya mu ruhando rw’abasilimu n’abasomye. Egera Kinyamateka aho uri hose ibigusobanurire.

 

Kinyamateka ni iyanyu, Kinyamateka ni iyacu, Kinyamateka tuyishyigikire!

Gura Kinyamateka, Gwiza abasomyi muri bagenzi bawe.

Kinyamateka irajijura, kandi ikagwiza muri bose ibitekerezo n’imigenzo ya gikristu.

Umuyobozi bwa Kinyamateka, Padiri Léodegard NIYIGENA


Tanga igitekerezo kuri iyi nkuru

KINYAMATEKA IRABATUMIKIRA


KINYAMATEKA : Ikinyamakuru cya Kiliziya Gatolika mu Rwanda, kivugira rubanda, kandi giharanira impinduka mu mibereho myiza y'abaturage, ubutabera n'amahoro, umuco n'imyidagaduro. Kuva mu w'1933.

Itangazamakuru na Myr Antoine Kambanda
Musenyeri Antoine Kambanda, Arkiyepiskopi wa 3 wa Arkidiyosezi ya Kigali
Itangwa ry'ubwepiskopi i Kibungo
Rulindo mu birori byo kwambika Pallium Musenyeri Antoine Kambanda
Missa kwa Sina, guha umugisha shapeli yitiriwe Gerard
UMUHANGO WO GUHEREKEZA MUSENYERI YOHANI DAMASENI BIMENYIMANA : Umwaka urashize
CEREMONIES D'OUVERTURE DIXIEME SESSION DES DIRECTEURS NATIONAUX DES OPM AFRIQUE
Umwaka w'Abiyeguriyimana 02.02.2019-25.03.2020
Cenaculum mu byishimo by'isabukuru y'ubusaserdoti
Isabukuru y'imyaka 37 Musenyeri Tadeyo ahawe inkoni y'ubushumba
Amasomo n'inyigisho, ku wa gatatu w'icyumweru cya 1 Gisanzwe C
Kwicara ku Ntebe ya Arkiyepiskopi muri Stade Amahoro i Remera
Yubile ya Padiri Herman ku mudugudu w'urubyiruko kuri Muhazi
Missa muri IFAK, UKWIGARAGAZA KWA NYAGASANI 2019
Urugo rw'i Nazareti, urugero rw'ingo zose n'abazituyemo
Inyigisho yatangiwe i Kibeho 28/12/2018